Enillodd y Dr Jenny Rowland ei PhD o Brifysgol Cymru, Aberystwyth, a bu’n darlithio mewn Cymraeg a  Aberystwyth,a bu’n darlithio mewn Cymraeg a Chelteg yng Ngholeg Prifysgol Dulyn. Hi yw awdur Early Welsh Saga Poetry: A Study and Edition of the Englynion, ac mae wedi ysgrifennu’n helaeth ar farddoniaeth a hanes cynnar Cymru, ynghyd  â’r iaith a metreg

Mae Jason Walford Davies yn Athro Cymraeg ac yn Gyd-gyfarwyddwr Canolfan Ymchwil R.S. Thomas ym Mhrifysgol Bangor, lle mae wedi dysgu ers 1993. Ei brif ddiddordebau ymchwil yw llenyddiaeth Gymraeg yr ugeinfed ganrif a Llenyddiaeth SaesnegCymru. Mae wedi cyhoeddi’n helaeth ar waith Waldo Williams ac R.S. Thomas. Enillodd y Goron yn Eisteddfod Genedlaethol Cymru, Casnewydd, yn 2004.

clare e. potter yw enillydd Gwobr Farddoniaeth y Royal Society of Literature/Jerwood dros Gymru. Mae ei phamffled Nôl Iaith yn dilyn Healing the Pack. Bu’n llysgennad dros y Gymraeg yn Llif (enciliad ieithoedd Ewropeaidd, gyda ffocws ar ecoleg, yr argyfwng hinsawdd, a diwylliant). Cafodd ei phenodi’n ddiweddar yn Artist-mewn-Gwasanaeth dros Rhondda Cynon Taf.

Ymchwilydd doethurol ym Mhrifysgol Aberystwyth yw David McBride, lle mae’n astudio barddoniaeth farddol yr Oesoedd Canol. Fe’i ganed yn New Jersey, UDA, ac mae wedi byw yng Nghymru ers bron i ddegawd. Mae ei ddiddordebau academaidd yn cynnwys llenyddiaeth a hanes yr oesoedd canol. Mae’n warden eglwys Anglicanaidd yn yr Eglwys yngNghymru, ac mae’n parchu gwaith R.S. Thomas yn arbennig.

Mae Susan Fogarty yn un o sylfaenwyr Cymdeithas RS Thomas ac ME Eldridge a hi yw cyfarwyddwr y Gymdeithas sy’n hwyluso gwyliau barddoniaeth a chelfyddydau yn Aberdaron ers 2013. Mae’n arbenigo mewn darllen gwaith Thomas: gan arwain ei chynulleidfa i symud drwy’r farddoniaeth, mewn eglwysi ac yn yr amgylchedd naturiol.  Yn 2022, aeth ati i gyd-greu gwefan ar fywyd a gwaith ME Eldridge. http://www.meeldridge.com

Mae Trystan Lewis yn adnabyddus fel arweinydd Gymanfaoedd Canu yng Nghymru, Lloegrac America, gan ymddangos ar y teledu ar raglenni S4C Dechrau Canu Dechrau Canmol a Songs of Praise. Mae’n organydd yng Nghapel Peniel, Deganwy, ac Eglwysi Sant Trillo a Sant Sior yn Llandrillo-yn-Rhos. Ef yw cyfarwyddwr cerdd pedwar côr, sef Côr Cymysg Cymysg Dyffryn Conwy, Cymdeithas Gorawl yr Wyddgrug, Côr Tremeichion a Chymdeithas Gorawl Llanelwy

Ganed Therese Urbanska ym 1980 a chafodd ei magu ar Benrhyn Llŷn. Ar ôl graddio o Goleg Menai, Bangor gyda BA (Anrh) mewn Celf Gain, gweithiodd fel arlunydd ar ei liwt ei hun a dechreuodd weithio i Goleg Harlech (WEA) a chynnal gweithdai ar gyfer oedolion a phlant. Mae ei phaentiadau a’i gludweithiau wedi’u hysbrydoli gan Benrhyn Llŷn, a Chymru.